Hos 11 | ZomZIV | STEP | “Israel a naupan lai-in ka it a, Egypt panin ka tapa ka samkhia hi.

mPc14:8

n 1Ku 3:26

o Tp 12:17; Jer 30:11

p Mal 3:6

q Ms 23:19

s Eze 28:26

t Hos 4:2

Hosea 11

Israel ading Pasian Itna

1 “Israel a naupan lai-in ka it a, ^a
Egypt panin ka tapa ka samkhia hi. ^b
2 Ahi hangin Israel ka ^{▼▼11.2 Septuagint khutgelh pawlkhat; Hebrew in amuate} sap semsem ciangin
kei ^{▼▼11.2 Septuagint;Hebrew in amaute} kiang panin gamla pai semsem hi.
Amaute in Baal-te tungah biakna pia uh a,
milimte tungah gimnamtui a hal uh hi. ^e
3 Keimah in Ephraim lampai kisinsakpa ka hi-a,
a bante un amaute ka zam hi;
ahi hangin amaute a damsakpa ka hilam
a phawk kei uh hi.
4 Mihing migitna khauzente in amaute ka makaih a,
itna in ka khih hi; ^f
a ngawng panun hakkolte ka sankhia a, ^g
amaute vak dingin ka kunsuk hi. ^h
5 “Amaute in kisik ding nial uh ahi manin
Egypt ah ciah kikin Assyria in
amaute uk lo ding ahi hiam? ⁱ
6 Amau khuapite sungah namsau kilek dinga, ^j
amau kongpi kalhnate kisusia in
a geelnate uh kibeisak ding hi.
7 Ka mite in kei kiang pan kiheisan hong sawm teitei uh hi; ^k
Sangpen Pa a sam zawzen uh zongin
amah in amaute a tawisang peuhmah kei ding hi.
8 “Ephraim aw, bang ci-in hong tawpsan thei ding ka hi hiam? ^l
Israel aw, bang ci-in mi tungah hong pia thei ding ka hi hiam?
Bang ci-in Admah bangin hong bawl thei ding ka hi hiam?
Bang ci-in Zeboiim bangin hong bawl thei ding ka hi hiam? ^m
Ka sungah ka lungsim kikhel hi;
ka khuatuahna teng khang hi. ⁿ
9 Ka hehluatna ka tungsak nawn kei dinga, ^o
Ephraim zong ka sumaimang kik nawn kei ding hi. ^p
Keimah mihing hi loin Pasian ka hi a - ^q
note laka om Siangtho Pa ka hi hi.
Thangpaisa ^{▼▼11.9 Ahikeh khuapi khatpeuh ah paikik} in kong pai kei ding hi.
10 Amaute in TOPA zui ding uh hi;
humpinelkai bangin amah a hawk ding hi.
Amah a hawk ciangin nitumna-lam panin
a tate lingkawmin hong pai ding uh hi.
11 Amaute vasa bangin Egypt pan,
kawlvakhu bangin Assyria pan,
ling kawmin hong pai ding uh hi.
Amau inn ah amaute ka tengsak ding hi,” ^s
TOPA in cikhia hi.

Israel’ Mawhna

12 Ephraim in zuauthu tawh kei hong umcih a, ^t
Israel innkuan in khemna tawh hong umcih hi.
Tuateh Judah pen Pasian lang leh
a muanhuai, a Siangtho Pa lang nangawn ah a ki-uk thei kei hi.